Caractérisques de l´établissement et les objectifs educatifs

No día de hoxe adicámonos a estudar sobre as principais características dun centro educativo e os obxectivos educativos, por qué se marcan, para qué nos serven...

Existen dous tipos de centros educativos principalmente:

• Públicos:  Seguen as pautas do Real Decreto da Educación, son gratuitos para as familias, admiten ao persoal docente a través da oposición
• Privados:  Seguen as súas propias directrices dependendo da ideoloxía que proclamen, para que un alumno sexa admitido deberá pagar unha cantidade trimestral e o persoal docente non accede a  través da oposición. Existen dous tipos de centros privados: Con contrato e sen contrato. A grande maioría das institucións privadas son un negocio e non un servizo educativo

Dependendo do país haberá unha tradición pedagóxica diferente que marca a adquisición das linguas. Existen dúas que a súa vez van ligadas á forma de interacción do mestre e o alumnado:

• Gramatical: Normalmente as linguas apréndense a través de taboleiros. Dánlle moita importanciaá traducción, o ensino da gramática é prioritaria e non se lle dá moita importancia á oralidade. Normalmente este tipo de pedagoxía vai ligada a unha sumisión do alumnado e a unha educación centrada na iniciativa  e mayor participación do mestre. 

• Comunicativa: A oralidade e a comunicación considéranse importantes para a adquisición dunha lingua. Adoita ser un tipo de tradición pedagóxica que vai ligada a participación activa do alumnado (descubrindo, debatindo, observando...) e onde o mestre é un guía nesta senda da aprendizaxe

REFLEXIÓN:

Pareceume importante esta última parte do temario xa que considero que a participación activa do alumnado é a mellor forma de aprender. O neno/a debe aprender a través das súas propias experiencias e dos seus erros e o mestre debe ser un guía na súa aprendizaxe axudándolle a compreder mellor o mundo que lle rodea.
Con respecto á aprendizaxe dunha lingua, penso que o mellor xeito de aprendela é a través da lingua oral, a gramatica pode axudar a comprender mellor o que se esta a aprender pero non é tan eficaz.

A seguinte e última parte do temario falamos sobre a importancia dos obxectivos.
Os obxectivos son establecidos polo docente, o centro e a administración pública. Son esenciais para facilitala evaluación, para probar a eficacia da metodoloxía aplicada, para permitir a reflexión no alumnado e sobretodo para construír un aprendizaxe adaptado ás necesidades do alumnado.
Un mestre de lingua extranxeira debe plantexarse os seguintes obxectivos:

• Desenvolver o saber, o saber facer e o saber ser na/da lingua extranxeira
• Remediar as necesidades indicadas
• Darlle valor aos diferentes tipos de soportes como vídeos, canciones, contos...
• Desenvolver o gusto pola lingua e a cultura escrita e oral
• Valorizar aos estudantes en función das súas especialidades.

Penso que os obxectivos facilitan a tarefa do mestre en canto ao que pretende que os nenos/as aprendan e para acotar mellor o campo á traballar.